Nu Ta Kontinua Pa Li (part. Trakinuz)

Hélio Batalha

Compositor: Não Disponível

Mama fla-m: Ka-u skese di undi k'u sai, di undi k'u ben
Mundu sa xeiu maldadi ma nunka ka-u skese di ben
Ie ie ie ie ie, i óki tudu láguas kai
Ie ie ie ie ie, nu ta kontinua pa li
Mama fla-m: Ka-u skese bu biku sta nteradu pa li
Luta ku forsa, ka-u dexa bus sonhus móre sédu na street
Ie ie ie ie ie, i óki tudu soris sai
Ie ie ie ie ie, nu ta kontinua pa li

Mama fla-m: Bende bus medu, kunpra speransa i korájen
Kes béku é prigu, txeu artigu, putu ten txeu malandrájen
Kamufladu nunka, as klaras puru, N faze nha séna kontise
Xina, Orópa, mundu da-m fama ma nunka N skese porton di nha street
Mi é ka rapper di féria, N ta kaga na imájen, po isénsia é maiór
Nha pé suju di téra ma nha kanéta ta skrebe ku sangi, ku suór
N ka prufesor, ma N nxina mic, N xinti palavra fundidu ku amor
Sen nun rankor, N ka xinti kalor di invéja, nha filtru ka konxe es sabor

I óki tudu finda nu ta kontinua pa li
Ku memu amor pa CV
Prova kel ómi inda ka sai di mi (Cabral)
I óki tudu finda nu ta kontinua pa li
Ta skrebe nhas kartas ku sangi
Pa alimenta konsiensia di kes nha putus na street (imortal)
I na téra di múzika é tristi ser MC
Mas amor é más grandi, purisu nu sa kontinua pa li

Mama fla-m: Ka-u skese di undi k'u sai, di undi k'u ben
Mundu sa xeiu maldadi ma nunka ka-u skese di ben
Ie ie ie ie ie, i óki tudu láguas kai
Ie ie ie ie ie, nu ta kontinua pa li
Mama fla-m: Ka-u skese bu biku sta nteradu pa li
Luta ku forsa, ka-u dexa bus sonhus móre sédu na street
Ie ie ie ie ie, i óki tudu soris sai
Ie ie ie ie ie, nu ta kontinua pa li

Txeu bes frakasu, medu derrota, kansasu ta pensa na opera
Ma nunka nu sede pamó pa li nos sedi vitória ta inpera
Sonhu tenpera nos luta i da vós a nos vontadi prospera
I nos xama ka paga pamó nu ka para propaga
Propaga peranti barrera, ná
N ta kontinua ta luta pa nhas ideal
Krenti na nhas ideias, firmi a tudu nhas ideais
Sen sigi pegada, N konxe kaminhu ideal
Pamó pasadu foi duru ma futuru ka pode ser igual

(Mama fla-m) Mama fla-m: Nha fidju, ka-u bai
Kel ki nu ten é poku, ma ka-u skese mi ku bu pai
N fla: Mama, N ten ki parti mésmu ku korason partidu
Ma N ta promete volta brasu abértu i bolsu xeiu
Bu fidju kre ser rei, soberanu i pizadu
Dónu di undi N ta piza, nton, N ka ta seita ser pizadu, ná

Mama fla-m: Ka-u skese di undi k'u sai, di undi k'u ben
Mundu sa xeiu maldadi ma nunka ka-u skese di ben
Ie ie ie ie ie, i óki tudu láguas kai
Ie ie ie ie ie, nu ta kontinua pa li
Mama fla-m: Ka-u skese bu biku sta nteradu pa li
Luta ku forsa, ka-u dexa bus sonhus móre sédu na street
Ie ie ie ie ie, i óki tudu soris sai
Ie ie ie ie ie, nu ta kontinua pa li

Dipos di veron, dipos di trovon, di tenpestadis n'osianu
Dipos di vulkons di inveja i dipos ki txeu pórta des mundu fitxa-nu
Dipos di sifron, dipos ki kes línguas un dia tenta kondena-nu
Nu mostra ma rap sa vivu pa li, tiru di shoddy ka pode fadja-nu
Dipos di mensájen, dipos di imájen, isénsia ta manti selvájen
Stiáji di rima ka abita, pensa dizisti nunka txiga pa li
PCC dja rasita pa li móda BOB i 2Pac
Resureison na palavra purisu nu ta kontinua pa li

Mama fla-m: Ka-u skese di undi k'u sai, di undi k'u ben
Mundu sa xeiu maldadi ma nunka ka-u skese di ben
Ie ie ie ie ie, i óki tudu láguas kai
Ie ie ie ie ie, nu ta kontinua pa li
Mama fla-m: Ka-u skese bu biku sta nteradu pa li
Luta ku forsa, ka-u dexa bus sonhus móre sédu na street
Ie ie ie ie ie, i óki tudu soris sai
Ie ie ie ie ie, nu ta kontinua pa li