O Ki Fomi Txiga

Hélio Batalha

Compositor: Não Disponível

Dja N sta kansadu di es vida di miseria
Sen brilhu, tudu dia memu mérda
N kre ser atris móda kel di kel nuvéla
Atxa un bon prinsipi móda stória Cinderela
Sta bon di panha agu na xafaris, dja da-m fastiu
Mi nen N ka mariadu N ten ki atxa un bon titiu
N xinti-u N kurti-u, prazer mi é Sufia
Katorzinha, es ta txoma-m di prinsezinha

Sufia sta oferesi pa kes ómi déntu pradu
E fla ma manus li na zóna é tudu koitadu
Sufia da pa xiki kre so ropa merkanu
E fla ma ropa Xina é ka ta bisti nen pagadu
Sufia teni fómi, e kre so vida di luxuria
E sa ta mata fómi di ómi ki te fómi di ternura
Ka dura, Sufia dja ngravida na aventura
Ku katorzi dja e ser mai, e se mai dja po-l na rua

Nos sosiedadi teni fómi, tudu békus teni ómi
Ki dja skesi di verdadi e amor ki ben di pai
I óki fómi txiga, realidadi ta konplika
Tudu perdi alegria i ómis ta kumesa kai
Simentera dja fazedu, má txuba ka ben
Rua sta difisil, luta bédju entri mal i ben
Simentera dja fazedu má txuba ka ben
Má kel pon di kada dia e sta frenti tudu algen

Fómi, ómis ten fómi di palavra
Tudu é más difisil óki fómi txiga
Fómi, ómis ten fómi di palavra
Bu alma teni fómi, e sa mesti kumida
Fómi, ómis ten fómi di palavra
Bu mesti alimenta skinas di bu vida
Fómi, ómis ten fómi di palavra
Fómi, ómis ten fómi di palavra

Patriki txeka ma nos rua ka sta fixi
Manti visigolu pamó putus kre konpiti
Kuatru kasubódi, rapás sta na xuxadera
Es pensa ma bu kapri e ma bu nansi na ladera
Fin di mes so N resebi, N ta da-u un 6:35
So bu xinti amiasadu bu ten ki puxa gatilhu
P'es mata-u, N ta prifiri ba vizita-u na Son Martinhu
Ka bu xinti medu, vida é si ki sta nha fidju

Patriki asemila palavras di se pai
Fin di mes ku gun na mô ta stilu ma ka ta kai
Patriki forma un grupu k'e da nómi Lost Boys
E sa ta da pa merkanu fazi bifis ku otus boys
Un dia, na tiroteiu, Patriki lenbra di se sonhu
K'e ten un fidju e da-l karinhu, lágua ta sai-l di odju
Patriki tinha fómi i se pai ka da-l kumida
I ónti fasi 4 dia na dilegasia

Nos sosiedadi teni fómi, tudu békus teni ómi
Ki dja skesi di verdadi e amor ki ben di pai
I óki fómi txiga, realidadi ta konplika
Tudu perdi alegria i ómis ta kumesa kai
Simentera dja fazedu, má txuba ka ben
Rua sta difisil, luta bédju entri mal i ben
Simentera dja fazedu má txuba ka ben
Má kel pon di kada dia e sta frenti tudu algen

Fómi, ómis ten fómi di palavra
Tudu é más difisil óki fómi txiga
Fómi, ómis ten fómi di palavra
Bu alma teni fómi, e sa mesti kumida
Fómi, ómis ten fómi di palavra
Bu mesti alimenta skinas di bu vida
Fómi, ómis ten fómi di palavra
Fómi, ómis ten fómi di palavra

Óki fómi txiga, realidadi ta konplika
Na bika, xéfi familias ten ki buska alternativas
Ku fómi na bariga, diabu sta prendi da misa
Santus tudu ta ateiza ku ideia na muda vida
Óki fómi txiga, putus tudu ta fadiga
Adrenalina ta domina, es ta labanta karabinas
Ningen ka kre alimenta alma, supremasia
Korpu dja ganha géra fria, purisu, sa bendedu krika
Óki fómi txiga, ka ten pulísias, bandidus bira
Politikus ku fómi, kanibalismu na skina
Bu sa duvida rebobina ténpu Zé Katana
Fómi sentimentu brother, fómi di palavra
Mundu interu sa movimenta na mó di inikuidadi
Ómis teni fómi, es teni fómi di verdadi
Rapás sen juis, mininas skravas di vaidadi
Munti sikatris, markas dexadu pa maldadi
Reflekson ka ten más, gósi tudu é riba d'óra
Ómis ta txora ta grita, ómis sta prézus na droga
Ses kurason ka te pas, sentimentu na géra
Ómis dja skesi di reza, materialismu ta inpera
Sen prinsípius, ómis ka kre sua
Sen virtudi, povu ki sa luta
Sen karater, otu sa na skina
P'e spéra xéfi familia p'e tra-l se vida

Nos sosiedadi teni fómi, tudu békus teni ómi
Ki dja skesi di verdadi e amor ki ben di pai
I óki fómi txiga, realidadi ta konplika
Tudu perdi alegria i ómis ta kumesa kai
Simentera dja fazedu, má txuba ka ben
Rua sta difisil, luta bédju entri mal i ben
Simentera dja fazedu má txuba ka ben
Má kel pon di kada dia e sta frenti tudu algen

Fómi, ómis ten fómi di palavra
Tudu é más difisil óki fómi txiga
Fómi, ómis ten fómi di palavra
Bu alma teni fómi, e sa mesti kumida
Fómi, ómis ten fómi di palavra
Bu mesti alimenta skinas di bu vida
Fómi, ómis ten fómi di palavra
Fómi, ómis ten fómi di palavra