Immortal (feat. Goldbeat)

Hélio Batalha

Compositor: Não Disponível

Désdi primórdius d'umanidad, ómi provoka kalamidadi
Rivalidadi, futilidadi distrui bazi nos sosiedadi
Barbaridadi pa tudu parti, sen amizadi na kes sidadi
Xeiu vaidadi, kes ómi grandi mata kes ómi (ku krueldadi)
Munti na barku ku Bíblia na brasu, es txiga p'es prega verdadi
Foi grandi frakasu, es invadi kel spasu na nómi di kel divindadi
Txoma-nu sen alma kes fidju dimóniu, purisu ki es traze txeu padris
Es ben batiza-nu ku Spíritu Santu ku ideia djuda-nu pa iternidadi
Munti mintira kontadu, milharis lebadu muntiadu na gradi
Munti rikéza pilhadu, ma piór ki tiradu foi klaru k'é no liberdadi
Ómis ta txora, ta grita, ta paga pa présu di injenuidadi
Nos stória blokiadu ku kes barku skravu ki leba valor di nos sinplisidadi

Kantu fidju ki móri na barku tristi sen dispidi di se mai?
Es tenta, es ka konsigi pamodi nos alma é imortal
Kantu ómi sotadu nforkadu tristi láguas na téra ta kai?
Es tenta, es ka konsigi pamodi nos alma é imortal

Imortal nos é imortal
Imortal nos é imortal
Imortal nos é imortal
Imortal nos é imortal

500 anu di skravidon baxu sol forti ku tenpestadis
Na plantason di algudon (déntu di mina diamanti)
500 anu submison baxu di tronku i majestadi
Sen kondison na umilhason (pa ben di ses prosperidadi)
Kolonizason fazi nos téra merkadu di nesesidadi
Nega-nu kel idukason pa duminason ten kel lonjividadi
Sekundi no stória di antipasadu pa-u perde kel identidadi
Segrega razon i valor di nos spasu sen ninhun diginidadi
Nanse Malcom, King, i Panteras, i otus singularidadis
Cabral, Machel, Agustinho, txeu ómis di verdadi
Lutas, fugas, un pasu grandi pa nos sosiedadis
Vidas, mórtis, txeu paga karu pa nos liberdadi

Kantu fidju ki móri na barku tristi sen dispidi di se mai?
Es tenta, es ka konsigi pamodi nos alma é imortal
Kantu ómi sotadu nforkadu tristi láguas na téra ta kai?
Es tenta, es ka konsigi pamodi nos alma é imortal

Imortal nos é imortal
Imortal nos é imortal
Imortal nos é imortal
Imortal nos é imortal

Oji N sa tristi, nhas fidju munti sa txora
Na tudu diáspora gritus di injúria ka sa kala
Frutu diskazu d'ómis ki otróra stupra-m, viola-m
Marka-m nha korpu ku féru kenti kuazi ki mata-m
Na fin di dia txiga kansadu di óbras
Ben di limpéza, so resta trabadju prekárius
Fika ku sóbras, xeiu di manóbras
Poku difeza nun sosiedadi undi pulísia é mersenárius
Nu korda people guetto, é ka nun orgulhu nau
Paredis é tistimunha sofrimentus ki dumina-u
Nu da go okupa vivéndas, palásiu ku asenbléia
Ka nu freia, universidadi ten ki xinti nos isénsia
Sen lisénsa pensa na 500 anus
Na tudu stragus ki barku skravu un dia da-nu
Obviamenti es teni medu di nos forsa muskular
Ma es ten ki xinti medu di intilijénsia sekular
I nu invadi ultramar, okupa mundu interu negrus en pezu na tudu lugar
Rabenta patamar, planta unidadi pédra angular
Un so kaminhu di Lisboa te Dakar
Ka nu skese lágrimas ki rega mar rétu plantason
Di Goré nha povu móri sen ar déntu de poron
I oji pódiu ka pode ser saláriu
Kada negra ten ki jermina un revolusionáriu

Munti ta nanse, munti ta móri
Munti ta kai, munti ta kóri
Munti ta txora, munti ku fómi
Munti ta ri, munti ta ri
Munti kre odja-nu ta mata kunpanheru
Ma luta ten ki kontinua
Ka bu skese nunka di bu stória
Ka bu skese nunka di bu pasadu
Ka bu dexa nunka di alimenta bu rais
Ser kel mudansa ki bu kre pa nos téra
I nu torna imortal